Son miles de persoas desde 2005 as que aceptaron o reto de non comprar nada novo durante unha ano como parte da súa forma de entender a vida. Fanse chamar "The compacts".

A idea xurdiu dun grupo de amigos en San Francisco fartos de tanto consumismo. Crían que non eran necesarias tantas cousas e que tanto consumo era insostenible para o medio ambiente.

Decidiron que intercambiando, prestando, reciclando ou comprando obxectos de segunda man podían obter todos os produtos que necesitaban realmente.

Para facer viable o experimento permitiron que os produtos de primeira necesidade si que se puidesen comprar novos (comida, medicamentos?).

Tamén se permitiron unha clausula chamada "roupa interior" pola que poden comprar esta roupa nova?

Como última norma durante o ano permítese un día con compras. Chámase ?o día de aniversario?.

A día de hoxe teñen unha lista con 8.000 subscriptores, un blog con 53 cidades onde hai compacts e enlaces relevantes para a súa forma de consumir.

O reto móstrase como tal cando debes renunciar á túa moto ou coche, educar aos fillos sen televisión e con juguetes de segunda man, ou intercambiar o que tes para conseguir un colchón. Aínda que din que unha vez empézalo non é tan difícil como podía parecer.

Tendas de saldos, craiglist, ebay e mercados de segunda man. Se alguén ten dúbidas de se algo é novo consúltanllo aos seus compañeiros e se non atopan algo de segunda man que necesitan fan correr a voz ata que alguén atopa estes obxectos. Xa que logo o grupo axúdase bastante entre eles. Para iso se reunen unha vez ao mes.

As opinións dos que pasaron o ano sen compras é que se liberan da necesidade de ter o último, teñen máis tempo e máis diñeiro para o realmente importante.

Os compacts pese ás súas boas intencións tamén recibiron bastantes críticas, chamáronlles antiamericanos (por non consumir e entender que van contra a economía). Tamén no outro lado dixéronlles que se quedaban curtos. Pero eles din que se trata simplemente da decisión dun grupo de xente que parece ser que tocou o nervio a outra moita xente.

A súa notoriedade nos medios, segundo eles é unha mostra do doente que está a sociedade do consumo ao darlles tanta importancia.