Antes de nada, feliz ano

Dende o 3 de Xaneiro estamos implantando un novo sistema informático de xestión, a idea e poder ter un sistema máis fiable e potente. O novo sistema é de software libre e creemos que co tempo mellorará a xestión e a transparencia dentro da cooperativa.

Somos consciente de que nestes primeiros días de implantación estamos causando algunhas molestias nas compras (pequenas esperas, a información do ticket pode non ser suficientemente clara,...) pero intentaremos ir solventado estas eivas en breve.

Recibiremos de bo grado todas as suxerencias e comentarios ou ben en info@arbore.org ou ben no libro de comunicación da tenda.

Agradecemos moito a vosa paciencia.

O número premiado neste ano 2012, é o 02705.

A gañadora pode vir a recoller a cesta á cooperativa!

Saúdos

Estimadas socias

O próximo sábado 15 de decembro, celebrarase a Asemblea Extraordinaria de Decembro deste ano.

• Lugar da reunión: Asociación de Veciños Val do Fragoso (en fronte ao estadio de Balaidos), enlace para chegar: http://goo.gl/maps/27nhu

• Horario: Primeira convocatoria ás 17:30h / segunda convocatoria ás 18:00h

• Orde do día: Enviada por correo ordinario e electrónico

ÁRBORE PECHA POR FOLGA XERAL

O Consello Reitor de Consumo Consciente Árbore, S.C.G., decidiu pechar a tenda o mércores día 14 debido á convocatoria de Folga Xeral.

A xente da Cova (http://cova.arkipelagos.net/) subiu apuntes moi interesantes sobre o obradoiro que fixeron en Marzo deste ano (gracias!). Poderedes aprender como facer xabón e lixivia para limpar o voso fogar de forma barata e ecolóxica.

A través do enlace de abaixo podedes chegar a un interesante audio sobre as terribles consecuencias da fumigación con glifosato sobre campos de milo transxénico na Arxentina, e do claro aviso destas mulleres de que Europa non é axenas as consecuencias destas prácticas de cultivo.

La Enredadera

Á atención das socias de Consumo Consciente Árbore, S.C.G.

O próximo Mércores 22 de Agosto ás 18:00h celebraremos unha Xornada de Moedas Sociais na Cova dos Ratos. Teremos como invitado a Miguel Yasuyuki Hirota, tal e como el mesmo se define nun blog: "promotor entusiasmado de sistemas de moneda complementaria" e bo coñecedor dos seus miolos, e da súa aplicación en distintas partes do mundo.

O pasado mes de Xullo celebrouse en Vilanova i la Geltrú o Encontro Estatal de Moedas Sociais. Entre os propósitos de partida de esto encontro atopanse a divulgación sobre os distintos tipos de moedas sociais e experiencias concretas, pero tamén como poden interactuar as moedas socias actualmente existentes.

Cando falamos de moedas sociais estamos falando de moedas diferentes ás que coñecemos (euro, dolar...), trátase dun medio de intercambio con fins sociais, de alcance inmediato e xerenciado pola sociedade civil.

http://www.laeco.net/sanitarios_secos.htm