A colleita deste verán, ademais de moita froita, trouxo unha nova (segunda) edición de Bokashi.

É moi difícil  resumir o impacto que para  nós tivo a experiencia da  primeira edición, pero só dicirvos que foi tan positivo que para moitos dos que formamos parte dela supuxo un punto de inflexión vital: abrindo novos horizontes laborais, avanzando un  pasiño máis cara á  autosuficiencia ou  reconectando/comprendendo dun modo profundo nosa relación coa terra como fonte de vida/alimento....por poñer algúns exemplos.

Continuaremos co formato CICLO DE OBRADOIROS, que poderedes cursar individualmente, e ampliamos/enriquecemos con NOVOS CONTIDOS moi interesantes: dende nutrición e alimentación sostibles ate análise de solos, coidados de froiteiras...pasando por cestería, recoñecemento e uso das prantas silvestres comestibles...e moito máis.

DÚAS DATAS A  ESCOLLER PARA A PRESENTACIÓN OFICIAL
Ademais de achegarvos aquí o  díptico con toda a info ao detalle, queremos convidarvos á presentación oficial do curso 2021-2022 que -xunto cos 10 docentes- celebraremos o venres 10/09/2021 ás 19:15 horas en *Árbore . ou á presentación máis informal que terá lugar o venres 17/09/2021 á mesma hora e no mesmo lugar.

Anímádevos a coñecer Bokashi, solventar dúbidas en directo...e partillar un petisco caseiro e vegano con nós.

Se quixerades asistir, é moi sinxelo: podedes enviar un WhatsApp ao 636 862 639 para apuntarvos a algunha das presentacións!

POR FAVOR, COMPARTE E TECE REDE ;)
....e por querer, gustaríanos pedirvos "un algo" pequeniño:
se coma nós coidades que a vida e un futuro mellor só poden xurdir dunha relación máis próxima e orgánica coa terra, que deveña nun novo paradigma para o sistema alimentario; encantaríanos que fixerades difusión desta 2ª edición de bokashi :)

Quedamos á vosa dispoñibilidade para calquera mínima dúbida ou pregunta ;)