[Información enviada por "As da Industria"]
No barrio onde se atopa Árbore está iniciando a súa actividade esta Asociación Sociocultural con propostas ben interesantes. Podedes atopar información sobre os seus obxectivos e actividades na súa web https://osdaindustria.araosl.com/
Empezamos o ano con bos propósitos reais, así que este mes, continúan as actividades prácticas de cociña no local social. Coma ven sendo habitual, receitas veganas, sen gluten e con ingredientes moi básicos, sostibles e saudables.
As propostas para obradoiros responden ás vosas suxerencias, que ademáis aproveitaremos para revisar vellos ingredientes coñecidos de todos coma a avea, a chía, os froitos secos...para quitarlles o máximo partido co mínimo de esforzo e sen desperdicios! Así, os obradoiros programados son:
SÁBADO 13 DE XANEIRO ÁS 17:30 h
Fernando Cembranos, psicólogo, sociólogo e membro de Ecoloxistas en Acción, falará dos nosos recursos e potencialidades ante novos escenarios de deterioración material e escaseza enerxética.
Cada vez é máis difícil negar a degradación dos ecosistemas e dos factores ambientais relevantes que sustentan a vida (clima, auga, biodiversidade...), o que nos aboca a un colapso ecolóxico de gravísimas consecuencias para a humanidade.
O futuro, por tanto, preséntase con grandes doses de incerteza e convén visualizar escenarios futuros e actuar en consecuencia.
Estimad@s, Dende a ACDE TrezeCatorze de Salceda de Caselas queremos invitalos a participar nas xornadas que imos celebrar os próximos 25 e 26 de novembro no marco da convocatoria Educación para o Desenvolvemento da Cooperación Galega da Xunta de Galicia.
O sábado 25, a partir das 17h no Centro Cultural A Devesa, falaremos dos Sistemas Participativos de Garantía e, as 20h, presentaremos da man do seu director a curta “Planeta Azúcar”.
